好人有衰報

最近下大雪，所以沒有回實驗室。
收到琪妹兩封電郵，又向我大吐苦水，老細又要佢加班，但是一o黎冇人幫，二o黎又唔係佢既project，三o黎又要好似幼稚園咁教人地，完全當佢o既時間表係透明。
琪妹既情況，在我讀博士的六年生涯中，都算是可歌可泣。你可能認為，沒有什麼大不了。佢梗係廢柴，先至被老細啄。
琪妹是我認識的人當中，最能幹又最沒有架子，有求必應的。但是當老細知道她打算讀法律之後，便變本加厲的向她過份要求，事事挑剔，令琪妹不勝其煩。對其他飯桶學生／博士後／助理，卻捧到天上去，或處處維護。令人髮指。
老板既態度係，如果你畢業後，選擇科學研究以外的工作，而她又認為你有能力繼續做科學研究的話，你就是將靈魂賣了給魔鬼。就算你是打算去非洲做義工，她仍然會認為你是癡線，完全沒有想到人各有志。這還罷了，她可以自此以後當你隱形，或將你搾乾淨盡。琪妹以經不是第一個受害者。
又有甚麼可以做呢，我們已經嘗試過向她直接坦白，換來的卻是冷戰多日，自以為是。拿到了研究經費，便以為自己的行政策略沒有問題。
老細這種態度，已經慢慢張揚開去，很快便沒有學生願意找她當導師, 到時有錢又有屁用。
令人吃驚的是，像我老細的博士導師，大有人在。所以搵博士導師，真係要眉精眼企！